Pinerlunnerit amerlipput politiillu ikinnerulerlutik
Islandimi pinerluttoqartarnera ukiup ataatsip ingerlanerani procentinik tallimanik qaffariarpoq, ilutiganillu Islandimi politiit ikileriarlutik.
Allattoq Louise M. Kleemann
Pinerluutit 2008-mi 14.500-niit 2009-mi 15.300-nut amerleriarput. Ilutiganillu Islandimi politiit 2008-mi 724-niit 2009-mi 696-inut ikileriarlutik. Islandimi politiit ukiumut nalunaarusiaat tunngavigalugu aviisimi Morgunbladidimi taamatut allaaserinnittoqarpoq.
Pinerluutit amerlanerpaataat tassaapput tillinnerit tillinniarnerillu.
Islandimiulli aamma inatsisinik malinninnissamik pikkorinnerulersimasut, kisitsisit takutippaat, tassa angallannermut inatsit pisarnertut unioqqutippallaarneqarsimanngimmat.