Pineqaatissinneqarsimasunut inissiisarfimmiittut katsorsarneqarsinnaalissapput

Pineqatissinneqarsimasunut inissiisarfimmiittut atornerluinermut katsorsartinnissaannut neqeroorfigineqarsinnaalissasut, inatsisinik atortitsinermut ministeri Lars Barfoed folketingimi ilaasortamut Lars-Emil Johansenip apeqqutaanut akissuteqarnermini taama nalunaarpoq.
Allattoq Jaaku Lyberth
apriilip 06-at 2011 05:02

Kalaallit Nunaanni pinerluuteqarsimasunut isumaginnittoqarfik katsorsaanermik siunnersortimik  siorna maajimi atorfinititsisoq, inatsisinut atortitsinermut ministeri akissuteqarnermini allappoq.

Pinerluuteqarsimasunut inissiisarfinniittut ikiaroornartumik imigassamillu atornerluisut katsorsarneqartarnissaannik  piareersaasiortoqartoq, Lars Barfoed akissuteqarluni oqarpoq.

- Nutaarsiassaq ajunngitsuuvoq, naak suliaq suvisuumik ingerlannqarsimagaluartoq. Pinerluuteqarsimasunut isumaginnittoqarfiup katsorsaanissamut piaartumik nereqerooruteqarnissaa neriuutigiinnassavara, Lars-Emil Johansen oqarpoq.

- Imigassamik ikiaroornertumillu atornerluisunut katsorsaasartunik kalaallisut oqaasilinnik  arlaqartunik Kalaallit Nunaanni peqarmat tamanna qujamasuutigisariaqarparput, Lars-Emil Johansen tusagassiuutinut nalunaaruteqarluni taamatut allappoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq