Pilersuisup neqerooruteqartarnera niuernermik tunngaveqarpoq

Kristian Jeremiassenip paragraf 37 malillugu apeqqutaanut Attaveqaqatigiinnermut Naalakkersuisoq, Steen Lynge, taama akivoq.

Kristian Jeremiassenip, Siumumeersup, paaserusuppaa, illoqarfinni neeqerooruteqarsinnaappat nunaqarfinnut qanoq sunniuteqartarnersoq.

Taamaattoqanngilarli, Pilersuisumit oqarput, tassami illoqarfinni taakkunani taasatsinni akikilliliisoqaraangat, tamanna sinneqartoorutaasarpoq, taamaammat nunaqarfimmiunut sunniuteqarnerlunneq ajorpoq.

Illoqarfinni unammillerfiusuni taamaallaat sooq neqerooruteqartoqartarnersoq Kristian Jeremiassenip aamma paaserusuppaa.

Pilersuisumut tassunga tunngaviutinneqarpoq, illoqarfinni unammillerfiusuni, tassa Nanortalimmi, Narsami, Paamiuni Aasiannilu kiffartuussineq pillugu isumaqatigiissuteqanngimmat, taamammallu pilersaarusiornissaq ajornannginnerulluni.

Pilersuisumi nioqqutissat nungussimappata, kiffartuussineq pillugu isumaqatigiissuteqartoqarsimappat, 100.000 koruuninik akiliisitaanermik tamanna kinguneqarsinnaavoq, nioqqutissallu timmisartumik assartorneqartariaqalersinnaallutik.

Pilersuisup aamma erseqqissaatigaa, pisiniarfiit tamarmik neqerooruteqartarnissaat pilersaarutaanngitsoq, pisiassalli sinneqarsimappata neqerooruteqarsinnaaneq pisiniarfiup nammineq periarfissarisinnaagaa.