Kommunefogedi: Pikkorissarneqarneq iluarisimaarpara

Ikiueqqaarnermi, imminut toqunnissamut siorasaarisoqarnermi qanoq ikiuisoqarsinnaaneranik, ataatassarsiuinermi killisiuinermik , imminut illersornissamik, politiit suleriaasaannik ilinniartinneqarlutik, soorlu aamma eqqartuussisoqarnermi sulineq pinerlunnerlu pillugit inatsit pillugu pikkorissartinneqarlutik.

Malittarisassat politimesterimit aalajangerneqarsimasut malillugit maannamut pikkorissaasarsimanermi sukumiinerpaamik kommunefogedit pikkorissarneqaleruttorput.

AAMMA ATUARUK Kommunefogedit sakkussaqarnerulerput

Tamannalu Nunatsinni kommunefogedit peqatigiiffiata siulittaasuata, Isak Kristensenip tigulluarpaa. 

 - Naammagisimaarpara, aamma tulluusimaarutigivara nutaanik aamma ilaqalernikuugatta. Taakku aamma pissarsiaqarput. Taamaammat tulluusimaarutigalugu aamma naammagisimaarlugu oqaatigisinnaavara, Upernavik Kujallermiu Isak Christensen pikkorissartitsinerit pillugit taama oqarpoq.

Pikkorissarnermi ilaatigut imminut illersornissamik ikiueqqaarnissamillu kommunefogedit  ilinniartinneqarput, politiillu ikiortaannit tamanna iluarineqarluarpoq.

- Nutaanik aamma pissarsiaqarpugut. Taakku nutaartai siusinnerusukkut kursusertarnerni pinikuunngisagut maanna taperneqaramik iluaqutigineqarnissaat naatsorsuutigivagut. Iluaqutigiumaarpagut, Isak Kristensen KNR-imut oqarpoq.

Nunatsinni kommunefogedit 40-t missaanniipput.