Pikititsiniatut pasisat arfineq pingasut København-imi tigusarineqartu

Danmarkimi Politiit Isertortumik Paasiniaasartuisa unnuaq ullaarlu manna inuit arfineq pingasut tigusarisimavaat, tigusarineqartut paragraf 114 – tassalu pikitsitsiniarnermik paragrafi malillugu unnerluutigineqassapput.

Politiit isumaqarput unnuaq ullaarlu Danmarkimi ajortumeerinninniarsarisunik tigusarinninneq ajortumeerininnissaagaluamik pinngitsoortitsisoq.

Danmarkimi Politiit Isertortumik Paasiniaasartuisa qoqassiillutik inuit angerlarsimaffiinut aqqaniliusunut iseqattaarnerisa kinguneraat inuit arfineq pingasut tigusarineqarnerat.

Politiit tusagassiuutinut nalunaarutaanni ullaaq manna tamanna atuarneqarsinnaavoq.

Angutit marluk 19-inik 29-nillu ukiullit eqqartuussivimmut sassartinneqassapput.

Ajortumeereriaraluartut tamarmik nunanit allanit kingoqqisuupput, arfinillillu qallunaat nunaannut innuttaassuseqarlutik.

Isertortumik paasiniaasartut ittuata, Jakob Scharfip ajortumeeriniaraluit muslimiusut sorsukkumatuujusut oqaatigai, nunanut allanut attavillit, al-Qaidakkunnullu aamma attaveqartuusut.

Isertortumik paasiniaasartut unnuaq nal. marlunngortoq

ajortumeerinianik tigusarinninnerat pivoq paasissutissanik naammattunik toqqammavissaqalernertik naapertorlugu.

Ajortumeeriniatut pasineqartut qaartartuliassanik nammineq attorneqanngikkaluarlutik qaariaannarnik qaartartuuteqalersimanerat pissutigalugu tigusariniapallappaat.

Taama pisoqarnerani isumannaallissaanissamut ajornartorsiortoqalerpoq, qaartartut inissiarsuarmiitinneqarmata.

Politiit Isertortumik Paasiniaasartuisa ajortumeeriniat qaartartuliassaataat siunertanut sunut atorniarneqarsimagaluarnersut oqaaseqarusunngikkallarpaat.