Piginnaatitaaffeqanngitsut ataatsimiititaliami sammineqassapput
Uersagarpassuit, kina ataatagalugu paasinninnissamut inatsit malillugu pisinnaatitaaffeqanngitsut pillugit, Inatsisartut Inatsisit Atortinneqarnerannut Ataatsimiititaliaat suliaqalerpoq.
Siumup siulittaasuata aamma Inatsisit Atortinneqarnerannut Ataatsimiititaliami ilaasortap, Aleqa Hammondip, inatsisit misissorneqaernissaat maanna piumasaraa.
- Ukioq sunaaluunnit inunngorsimagaluaraanni inatsisisigut illersorneqarnissaaq aalajangiisuulluinnartuusoq, Siumumi isumaqarpugut, Aleqa Hammond oqarpoq.
Meerarpassuit kina ataataginerlugu paasitinneqarnissaminnut pisinnaatitaaffeqanngitsut, Radioaviisimi oqaluttuarisareerippullu, Aleqa Hammond taama nalunaaerpoq.
- Suliamut uunga akuleruttoqartariaqarpoq. Inatsisit Atortinneqarnerannut Ataatsimiititaliami Siumumiit ilaasortatut atatsimiittoqarnissaa kissaatigalugu nalunaaruteqareerpunga, Kalaallit Nunaanni ilaqutariit inatsiseqartitaanerat oqaluuseritikkusullugu. Taama inuiaqatiginni inissisimasoqartoq, tusagassiutitigut piffissaq kingulleq tusakkavut, eqqortuunersut nalilersortinniarlugit, Aleqa Hammond oqarpoq.