Piareersarnerit aallartisarneqalerput
Pilersaarusiorneq Københavnimi aallartippat nunap inoqqaavi Inuit, Mesai-it aamma Mapuche- indianerit, Naalakkersuisut siulittaasuannit Kuupik Kleistimit aamma qallunaat nunanut allanut tunngassutilinnut ministeriannit Villy Søvndalimit, tikilluaqquneqassapput.
- Nunat inoqqaavisa pisinnaatitaaffii, inuuniarnermikkut atugaat, kultooriat inuttut aningaasatigullu atugassaritaat pillugit Danmark Kalaallillu Nunaat qanimut suleqatigiilluassasut, Villy Søvndal tusagassiutinut nalunaarummi oqarpoq.
Nunat inoqqaaviisa sinniisui pilersaarusiornissami ilaanissaat Naalakkersuisut siulittaasuata Kuupik Kleistip qilanaraa.
- Nunat inoqqaavisa pilersaarusiornermi naligineqartutut ilaatitaanerat 2014-imi ataatsimeersuarnissap iluatsilluarnissaanut pingaaruteqartorujussuuvoq, Kuupik Kleist oqarpoq.
Politikkikkut aalajangiinerni nunat inoqqaavisa aalajangeeqataasarnissaat inuiattullu akuerisaanissaat ataatsimeersuarnermi eqqartorneqarumaarpoq.