Pia Kjærsgård Dansk Folkeparti: Namminersornerullutik Oqartussat nakkutigineqarlik
Folketingimut qinersinerup takutippaa Dansk Folkeparti Danmarkimi politikikkut ingerlatsinermi sunniuteqartuarallarnissaa saneqqutaarneqarsinnaanngitsoq
Allattoq Jaaku Lyberth
novembarip 14-at 2007 06:11
Politikimilu sulinermi arnani Danmarkimi pissaaneqarnerpaap Siulittaasup Pia Kjærsgaardip piumasaraa Namminersornerullutik Oqartussat Danmarkimit nakkutigineqalernissaa.
Namminersornerullutik Oqartussani ingerlatsineq Danmarkimit nakkutigineqarnissaa isumaqatiginninniarnissani piumasaqaatigissavara, Pia Kjærsgaard radioaviisimut oqarpoq.
Kalaallit meerartaasa atugarliornerat, kinguaassiutitigut atornerlunneqartarnerat, piitsuunermi inuuneqarnerat, kaallutillu innartarnerat isiginnaaginnarsinnaanngilarput, taama Pia Kjærgaard unnuaq oqarpoq qinersinerup inernera nalunaarutigineqareersorlu.
Pia Kjærsgaardip DR-p TV-imi isiginnaagassiaa ”Kalaallit Nunaannit qimarranneq” oqaaseqarnermini tunngavigaa.
