Ph.D.-nngorniarluni allaaserisaq Ilimmarfimmi siullerpaamik illersorneqassaaq

Ilisimatuutut allaatigisaq siulleq, tassa Ph.D.-nngorniutigalugu allaaserisaq, Ilisimatusarfimmi aqagu tallimanngornermi illersorneqassaaq. Ph.D.-ngorniat Ilisimatusarfimmiit 2001-imili Ph.D.-ngorniarsinnaatitaalerput, Katrine Kjærsgaardilu allaaserisaminik siulliulluni illersuisunngortussaassaaq.
Allattoq Mads Lynge
novembarip 26-at 2009 08:22

Biibilimi 1721-miilli Kalaallit Nunaanni assilialiat pillugit Katrine Kjærsgaard allaaserisaqarpoq, assilialiat innuttaasut kinaassusiannut eqqarsartaasiannullu sunniuteqarsinnaanersut taassuma allaaserimmagit.

Allaaserisamik naliliisussat tassaapput Københavnip Universitetiani lektori Kirsten Thisted, professori Arne Buge Amundsen, Oslop Universitetianeersoq, kiisalu Ilisimatusarfimmi lektori Ole Marquardt, naliliinermut aamma siulittaasuujumaartoq.

Ilisimatusarfiup rektoriata Tina Parsip allaaserisamik illersuineq aqutsisuuffigissavaa, illersuinerlu kikkunnut tamanut ammavoq, Ilimmarfiup auditoriaani aqagu ualikkut nalunaaqutaq ataatsimiit sisamat tungaanut malinnaasoqarsinnaalluni.

Katrine Kjærsgaardip allaaserisaa Ilisimatusarfiup atuagaateqarfiani nittartagaanilu atuarneqarsinnaalereerpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq