Peter Grønvoldip eqqartuussissuserisua eqqartuussinerup kingorna: Sullitara pakatsingaatsiarpoq
Piumasaqaatitaqanngitsumik qaammatini pingasuni pineqaatissinneqarsimasunut inissiisarfimmiittusanngortinneqarpoq.
Sisimiuni Eqqartuussiveqarfik Qeqqap KNI-p pisortarisimasaa, Peter Grønvold ippassaq taama eqqartuuppaa.
Taassuma illersuisuata, Finn Meinelip eqqartuussut pinngitsuutinneqarnissaanik piumasaqarluni erngertumik suliarineqaqqittussanngortippaa – tassa imaappoq, eqqartuussut Nunatta Eqqartuussisuuneqarfiani suliarineqartussanngortoq.
- Isertuussassaanngitsumik pakatsivoq. Suliaq una sivisuumik suliarineqarpoq. Suliarlu taamaattoq sivisuumik qamaniitsiinnarlugu artornartarpoq. Taamaattumik inuttaata tungaaniit isigalugu suliap kukkusumik inerneqarnera soorunami pakatsinarpoq, Finn Meinel eqqartuussutip eqqortuutinneqarnerata kingorna KNR-imut oqarpoq.
Peter Grønvoldip qaammatini pingasuni pineqaatissinneqarsimasunut inissiisarfimmiittussanngortinneqarnini nammineq oqaaseqarfigerusunngilaa. KNR-ip aperimmani ”Oqaasissaqanngilanga”-mik akiinnarpoq.
"Ilisimannittup nalunaajaataa eqqumiitsoq”
Taassuma illersuisuata pineqaatissiissut atunngitsoortinneqassasoq – Peter Grønvoldillu pinngitsuutinneqarnissaa pilersaarutigaa.
- Tunngavilersuutigisatta ilaat tusaaniarneqanngitsut misigisimavunga. Sooq taamaattoqarnera nassuiaatigineqavinngilaq. Taamaammat nunatta eqqartuussisuuneqarfianit suliaq suliaritinniarparput, Finn Meinel oqarpoq.
Skandaler i KNI A/S
- En sag om fejl og manipulation af KNI’s økonomi begyndte at rulle i november 2020, da flere whistleblowere stod frem i medierne.
- Efter måneders undersøgelser konkluderede ledelsen i oktober 2021, at der er blevet manipuleret med økonomien. Foreløbigt har det kostet 112 millioner kroner og et underskud på 12,5 millioner kroner før skat.
- Ledelsen har dog stadig ikke det fulde overblik, og derfor kan det koste koncernen flere penge.
- En person er politianmeldt for dokumentfalsk og bedrageri, men KNI vil ikke oplyse hvem, og for hvor store beløb.
- Derudover er koncernen ramt af anklager om seksuelle krænkelser mod den tidligere direktør Peter Grønvold Samuelsen.
- Siden sagerne begyndte, er Peter Grønvold Samuelsen blevet bortvist. Han er erstattet Jeppe Jensen. Derudover er den tidligere HR-chef fratrådt og den tidligere bestyrelsesformand Lars Borris Pedersen er fratrådt og erstattet af Svend Hardenberg.
- Pinngitsuutitsisoqarnissaa suli piumasaraarput, taamaammat nunatta eqqartuussisuuneqarfianit taama aalajangiisoqarnissaa neriuutigaarput. Tamanna ilisimannittutut nassuiaateqartut tutsuiginassusaannut tunngavoq. Aamma arlalinnik ataqatigiinngittoqarpoq. Aamma ataqatigiippallaartoqarpoq – taamaammat tamanna eqqumiitsuusoraarput.
Illuatungaanili unnerluussisussaatitaasup, Anne Kathrine Clintonip – eqqartuussut – tupaallaatiginngilaa. Unnerluussisussaatitaasut – qaammatini pingasuni pinerluuteqarsimasunut inissiisarfimmiitsitsisoqarnissaa tunngavilersuutigaat – KNI-milu pisortaasimasoq arnanut arfinilinnut kannguttaatsuliorsimasutut eqqartuunneqarpoq.
Peter Grønvold tamatuma saniatigut arnanut tamanut immikkut 5.000 koruuninik taarsiissuteqassaaq.
- Eqqartuussiviup unnerluussisussaatitaasut qaammatinik pingasunik pineqaatissinneqarsimasunut inissiisarfimmiittussanngortitsinissamik piumasaqarnerat malinniarlugu aalajangermagu tamanna ilorrisimaarutigingaatsiarparput. Sulisut qullersarisaminnit kannguttaatsuliorfigineqarsimanerat immikkut isiginiarlugu eqqartuussisoqarfik pineqaatissinneqarsimasunut inissiisarfimmiinnissamik aalajangiimmat aamma iluarisimaarparput, unnerluussisussaatitaasoq KNR-imut oqarpoq.
Attuanninneq, eqitaarineq, kunissineq atoqatigiinnermillu eqqartuineq
Kannguttaatsuliornerit KNI-p Sisimiuni allaffiani aamma sulinermi angalanerni piffissami 2016-imi 2021-mut pisimanerarneqarput.
Arnat arfinillit atorfeqarnermi nalaanni pisortarisimasaminnit kissaatiginngisaminnik attorneqartarlutik eqqartuussivimmi oqaatiginikuuaat.
Matumani pukusukkut, tuikkut, siffiakkut, qitikkut, unikkut nulukkullu attorneqarnerit ilaatigut pineqarput.
Arnat arlallit eqitsillutillu kunitsittarsimallutik kiisalu iviangequtimi ujatsiutitaatitaat tiguneqarsinnaasartut oqaloqatigiinnerillu atoqatigiinnermut sammigajuttut oqaatigaat.
KNI-p pisortarisimasaata kannguttaatsuliorsimasutut politiinut unnerluutigineqarnera 2021-mi marsimi saqqummiunneqarpoq.
Peter Grønvold Samuelsen suliffeqarfimmi innimiilliorneq pillugu misissuisoqarnerata kignunerisaanik soraarnissamik piumaffigineqarsimasoq kingorna KNI-mit soraarsinneqarsimasoq KNI-p siulersuisuisa nutaat siorna oktobarimi paasissutissiissutigaat.
Peter Grønvold Samuelsen KNI-mi ukiuni arfineq-marlunni pisortaaneruvoq.