Peter Frederik Rosing toqukkut qimaguppoq

Kalaallit Nunaata Radioani pisortaasimasoq, Peter Frederik Rosing, sivisuumik napparsimareerluni unnuaq toquvoq.
Allattoq Najaaraq Egede
maajip 30-at 2011 09:12

KNR-imi pisortaasimasoq, siorna 70-inik ukioqalersoq, ukiut suliffigisami amerlanersaanni, KNR-imiissimavoq.

Radio aallarteriitsiartoq 1959-mi teknikeritut ilinniarpoq, kingornalu tusagassiortutut Journalisthøjskolen-mi Århusimi 1970-imi ilinniarluni.

Kingorna radioavisimi aaqqissuisuunertut, KNR TV-mi aallakaatitassiornermi pisortatut kingusinnerusukkullu KNR-imi pisortatut sulivoq. Tassa sulinermi annersaani nunatta radioani tv-anilu sulisimalluni, eqqaassanngikkaanni Namminersornerullutik Oqartussani tusagassiinermut pisortatut 1989-imiit 1994-imut sulinera.

Tusagassiortutut suliami saniatigut nutserinermik aallussilluarsimavoq. Atuakkat 20-t missaanniittut qallunaatuumiit kalaallisunngortissimavai.

Kalaallit Nunaanni Namminersornerulerneq eqqunneqarmat siuttuusimasoq, inatsisartuni siulittaasuusimasoq Siumumilu ukiorpassuarni siulittaasuusoq, Jonathan Motzfeldt, pillugu 2008-mi atuakkiaa suliaanut ilaavoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk