Peter Bjerregaard: Oqallittoqarsinnaavoq
Meeqqat kinguaassiutikkut atornerlunneqartartut pillugit kisitsisit saqqummiunneqartut annertuallaaqaat.
Kisitsisit ”Kalaallit 2004-mi inuusuttut atugaat”, pillugit nalunaarusiami atuarneqarsinnaapput.
Nukappiaqqat misissuinermi peqataatinneqartut 9 procentii niviarsiaqqallu 28 procentii suli 15-inik ukioqaleratik kinguaassiutikkut atornerlunneqarsimapput.
- Kisitsisit tupaallannarput, Danmarkimut sanilliutissagaanni annertummata, allaat kukkusoqarsimasorinarmat pingasoriarlugit uteqattaarpakka, kisitsisilli piviusuupput, misissuinermi aaqqissueqataasoq Peter Bjerregaard oqarpoq.
Kisitsisit inuiaqatigiinnit kalaallinit maluginiarneqartariaqarnersut Peter Bjerregaard aperigatsinni akivoq:
- Kinguaassiutinik atornerluisarneq kalaallinit oqallisigineqarluartoq malugaara, pingaartumik meeqqanik inuusuttunillu atornerluisarneq, kisitsisit saqqummersut oqallittoqarnissaannut tunuliaqutaasinnaapput, Peter Bjerregaard.