Pete Buttigiegip Sanders Iowami ajugaaqqarfigaa
Iowami demokraatit USA-mi præsidentimut qinersinissaq sioqqullugu qinersineranni Pete Buttigeg ajugaavoq, senator Bernie Sanders ajugaaffigalugu.
Iowami taasinerit tamakkiisut qinersisartut ataasinngornermi ataatsimeereersullu kisinneqarnerisa kingorna tamanna qulakkeerneqartoq, nutaarsiassaqartitsiviup Reutersip allaaseraa.
Iowami qinersineq, USA-mi demokraatit præsidentimut qinigassanngortitassaannut, qinersinerit arlaqartut siullersaraat. USA-mi præsidentimut qinersisoqassaaq novemberimi.
AAMMA ATUARUK Trumpip unammillertia Buttigieg Iowami siuaqqagallartoq
Aviisip The New York Timesip allaaserisaa naapertorlugu Pete Buttigieg 78-inik ukiulimmut, Bernie Sandersimut, ajugaarpoq.
Demokraatit Iowami immikkoortortaata paasissutissiinera naapertorlugu atortorissaarutip app-ip teknikkikkut ajoquteqarnera Iowami demokraatit qinersineranni taasiinernik kisitsinermi kinguaattoornermut pissuttaavoq.