Trumpip unammillertia Buttigieg Iowami siuaqqagallartoq
Demokraatit præsidentinngorniunnissamut sassartitassaannik qinersineq siulleq inerneqapajaarpoq. Iowami qinersiviit 66 procentiini taasinerit kisinneqareerput. 38-inillu ukiulik, Pete Buttigieg, siuaqqalaartoq, taasinernik kisitsinermi inernerit takutippaat.
Amerikap ilaani Iowami taasinerit 62 procentiinik kisitsinermi Bernie Sanders siuaqqasumut tulliuvoq, massa Elizabeth Warren siuaqqasumut pingajuusoq.
Siuaqqasut sisamaat tassaavoq præsidentimut tullersortiusimasoq, Joe Biden.
Iowami taasisut demokraatit præsidentinngorniunnissamut sassartitassaattut innersuukkusutaminnik taasititaapput. Taaguunneqarnerpaallu USA-p præsidentiata republikaneriusup, Donald Trumpip, novembarimi qinersinermi unammillertigissavaa.
Bernie Sanders (Vermont) - 25,1 %
Elizabeth Warren (Massachusetts) - 18,3 %
Joe Biden (Pennsylvania) - 15,6 %
Amy Klobuchar (Minnesota) - 12,6 %
AAMMA ATUARUK Iowami demokraatini taaguunneqarnerpaaq suli paasineqanngitsoq
Taasinermi inernerit Danmarkip nalunaaqutaa naapertorlugu marlunngornermi ullaassakkut saqqummiunneqarnisssaat utaqqimaarneqarput, teknikkikkulli ajutoornerit pissutigalugit nalunaaquttap akunneri 24-ngajaat aatsaat qaangiutereersullu saqqummiunneqarput.
Amerikap ilaa Iowa demokraatit præsidentinngorniunnissamut sassartitaassaatut taaneqarnissamut pingaaruteqartupilussuartut isigineqarpoq. Barack Obamami Hillary Clintonilu demokraatit præsidentinngorniunnissamut sassartitassaattut Iowami taasisoqarmat ajugaapput.