PET-ip iliuuseqajaarsimannginnera uparuarneqarpoq
Inatsiseqarneq pillugu folketingimi ataatsimiititaliap siulittaasuata tulliata, muhammedimik titartaasup Kurt Westergaardip tallimanngormat saassunneqarnera tupigusuutigaa, somaliamiorlu saassussisoq maannalu unnerluussaasoq sooq PET-mit qangali iliuuseqarfigineqarsimannginnera apeqqutigalugu.
- Siusinnerusukkulli iliuuseqartoqarsimasinnaagaluarpoq tassami pinerlunnissamut taama piareersarsimatigineq pillugu eqqartuussaasoqarsinnaagaluarmat, Anne Bostrup oqarpoq.
Partiimi naalakkersuisuutitaqartuni Konservative Folkepartiimeersoq inatsiseqarneq pillugu ataatsimiititaliami siulittaasuusoq aamma tupigusunngitsuunngilaq.
- Inuk pinerlussinnaasoq PET-ip soqutigilluinnagaasa ilaat inullu danskiusoq pinerliinianit eqqorniarneqarnerpaasut ilaat sooq nakkutigineqarsimannginnersut tupigusuutigisassaanngitsuunngilaq, Tom Behnke oqarpoq paasiniaanerlu sooq sukateriffigineqarsimannginnersoq paaserusullugu.
- Eqqartuussisulersuinngikkaluarluni innuttaajunnaarsitsineq qassiiliuutaasinnaavoq pasilliinerinnarlu pillugu innuttaajunnaarsitsisoqassagaluarpat tamanna pikitsitsissutaasinnaavoq, tamannalu PET-ip ilisimavaa, DR-mi tusagassiortup Claus Buhrip oqarpoq.
Inatsisinik atortitsinermik ministeri sulinngiffeqareerluni suleqqilersoq oqaaseqarnissaa naatsorsuutigineqarpoq PET-illu tatineqariartuinnarnera pillugu nassuiaateqarnissaa ilimagineqarpoq.
