Pakistanimimi eqqartuussiviit qullersaata Musharraf maanna sassaqqullugu qaaqquaa. Eqqartuussiviit qullersaanni eqqartuussisut ilaat sooq soraarsissimanerlugit sukannersumillu naalakkersuisoqarnissaanik aalajangersimanini pingasunngorpat nassuiartussanngorpaa.
Musharrafip sakkutuuni qullersaatigaluni qiningaaqqinnera inatsisit tunngavigalugit pisinnaanersoq pillugu eqqartuussiviit qullersaat isummertussanngortullu eqqaertuussisut taamani soraarsinneqarput.
Musharraf sakkuaannertaqanngitsumik 1999-imi pissaanermik tigusivoq siornalu ministeriunerusimasup toqutaasimasup Benazir Bhuttop partiiata nuleerneranik siulersorneqartup inatsisartunut qinersinermi ajugaaneranit ukioq affaq qaangiuttorlu tunuarluni.