Peru ikiuutissanik isumagineqarluarpoq
Nuna Perumi ippassaq sajorujussuareersorlu ikiuutit takkussuutilerput. Qimmit narajortartut, nakorsaatit, toqqit ikiueqqaarnermilu atortussat allat nunarsuatta annersaaneersut Perumi illoqarfiit pingaarnersaata Limap kujasissuani nunap sajunnerani eqqugaanerpaanut maanna aggiussorneqarput. DR nittartakkamini ullumi taama allaaserisaqarpoq.
aggustip 17-at 2007 06:17
Nunarsuaq tamakkerlugu ikiuiniaqatigiiffik Røde Kors tupernik imermillu timmisartut atorlugit Limap kujasissuanut nassiussisimavoq, nunammi sajorujussuarnerani tamanna eqqugaanerpaammat.EU, USA, Canada, Brasilien og Columbialu ikiuutissanik aamma nassiussiniarput.
Naalagaaffiit Peqatigiit Peru aamma neriorsorpaat ikiueqqaarnermut atugassanik ½ millioni koruuninik nassinniarlugu.
Inuit ajunaarsimasut 510-t maannamut nassaarineqarput, 1600-llu ikiligaasimallutik. Perumi ukiuni 50-ini aatsaat taama sakkortutigisumik sajuppoq.
Radioavisi aallartinngilaartoq ilisimatitsissutigineqarpoq danskit 23-t maqaasineqartut.
