Persuttaasoq politiinit ujaarineqartoq
Angut persuttaasoq politiinit suli ujarneqarpoq. Taanna 20-nik ukioqarpoq, pualananilu salunngilaq, simertuuvoq naatsunik qernertunik nujaqarluni. Atisarai kavaajaq aappaluartoq, qarleralugit qaamasumik qalipaatilli kamipparalugillu aamma qaamasumik qalipaatillit. Inuit takunnissimasinnaasut qinnuigineqarput politiinut sianeqqullugit normu 32 14 48-mut.
Kalaallit Nunaanni politeeqarfiit amerlanersaasa arfininngormat inuiattut ullorsiornerput eqqissisimasumik perulluliorfiunngtisumillu ingerlanneqartoq oqaatigaat. Politeeqarfiit oqaatigaat aalakkattumininnguit angerlarsimaffimmilu eqqissiviilliortumininnguit eqqaassanngikkaanni ullorsiorneq nuannersumik eqqissisimasumillu ingerlanneqartoq.
Nuummili arnaq 20-nik ukiulik sapaammi ullaassakkut politiinik isimmissaasimanini pissutigalugu isertitsivimmut mattunneqartariaqarsimavoq.
Maniitsumi nanoq aalassatsitsigaatsiarpoq. Nanoq eqqaavimmiittoq meeqqanit takuneqarmat, angajoqqaat arlallit ornigukkaluarput taamaallaalli takuaat nannup tumai meqqumerngillu. Politiit oqarput Maniitsormiut arlallit nunami imaanilu nanorsiorsimagaluartut iluatsitsinatilli. Politiit oqarput naatsorsuutigigitsik nanoq ingerlaqqissimassasoq.
