Persuttaasoq pineqaatissippaat
Sisimiuni ukiutoqarsioqatigiinnerup kingorna angut imerniartarfiit ilaata silataani unatartittoq politiinut oqaatigineqarpoq.
- Angut kiinnamigut annersarneqarsimaqaaq arlaleriarlunilu toqqusassineqartarsimalluni. Napparsimmaviliaanneqartariaqarsimavoq, kinguninnguali angerlarsinnaasimalluni, Sisimiut politeeqarfianit Johan Davidsen KNR-imut oqaluttuarpoq.
Angut 25-nik ukiulik annersaasoq taamanili tigummigallarneqartoq Sisimiut Eqqartuussivianut ippassaq sassartinneqarami, unnerluussisut annersaanera sakkortugalugu toqutseriarnertut nalilerlugu, ukiuni pingajuat qiteqqullugu Pineqaatissinneqarsimasunut Inissiisarfimmiinnissaa piumasarineqarpoq. Tamanna eqqartuussisut aalajangiuppaat. Pineqaatissinneqarnini angutip akueraa.