Persuttaappallaarneq pillugu isornartorsiuineq isumaqataaffiginngilaa

Naalagaaffiit Peqatigiit naalliutsinneqarsimasunik misissuisartuata Manfred Nowakip Kalaallit Nunaat isornartorsiorpaa angerlarsimaffinni persuttaasarneq pillugu kalaallit iliuuseqarpallaannginnerarlugit. Manfred Nowak persuttaasarnerujussuaq pillugu aamma oqarpoq inuit pisinnaatitaaffii eqqarsaatigalugit tamanna Kalaallit Nunaata sumiginnaanerigaa angisooq. Naalakkersuisunulli ilaasortaq Ark'alo Abelsen isumaqataanngilaq.
Allattoq Louise M. Kleemann
maajip 14-at 2008 10:45

Ark'alo Abelsen oqarpoq meeqqat atualinngitsut qangali suliniarfigineqartut.

- Isumaqatigiinngisuuteqarnikkut qanoq ililluni persuttaanngikkaluarlutik, nukersunngikkaluarlutik oqaloqatigiinnikkut qaangiisinnaaneq ilinniartitsissutaasoq Ark'alo Abelsen ilisimatitsivoq.

Persuttaasarneq akiorniarlugu nunatsinni iliuuseqartoqartoq Manfred Nowak-ip ilisimaaraa, aappaatigullu oqarluni naammanngitsut. Taama isumaqarnera ilit qanoq nalilerpiuk?

- Manfred Nowak-ip naammattunik ilisimatinneqarsimannginnera tunngaviuvoq. Isumaqarpunga suliniutit annertuut massakkut aallartisarneqartut. Oqareernittuut ajornartorsiut qangali eqqumaffigivarput, massakkullu piareersaatit ukiuni marlunni ingerlareerput, aamma meeqqani mikinerni misilerarneqalereerput.

Nunani allaninngaanneersup taamatut isumaqarnera illit qanoq nalierusuppiuk?

- Inuiaqatigiit iluanni pissutsit avataanniit uparuarneqartarnerat isumaqarpunga pitsaasuusoq. Tigulluartariaqarpavut, tappinnerulernissatsinnut aqqutissiuussisuummata.

Ark'alo Abelsen aamma oqarpoq, meeqqat angajoqqaavi suliniummi akuutinneqassamaartut oqaloqatigiillaqqissinissarlu atuarfinni ilitsersuutigalugu aamma aallartinneqassamaartoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq