Persuttaallutik akiliisitsiniarsarisut
Angutit marluk arnap 51-nik ukiullip angerlarsimaffianut takkullutik aningaasat piumasarigaluarsimavaat, arnarlu aningaasanik tunniussaqarsinnaanngimmat angutip aappaata kiinaatigut arlaleriarlugu tilluttarsimallugu.
Angutit taakku marluk tillinniaraluarsimasutut unnerluutigineqassapput. Angutip aappaa ikiaroornartumik hashimik tigummiaqarsimasutut aamma eqqartuunneqartussaavoq.
Pisoq ikiaroornartumik tuniniaanermut attuumassuteqarsinnaasoq politiit ilimagaat.
Arnaq taanna 51-inik ukiulik angutillu inuusuttup aappa siornatigut pinerluuteqarnikuunngitsut Nuummi politiinit oqaatigineqarpoq.
Angingaasat taakku 33.000 koruunit kimit pigineqarnersut politiit suli paasinngilaat.