Perput matussappat atuisut uggorissaqaat
- Ajussaqaaq, Perpummi pinngitsoorsinnaajunnaarnikuuarput, Perpumik atuisut ilaat, Poul Sandgreen oqarpoq, nangillunilu:
- Perput. Uannut assersuutigissaguma, pisassaqanngikkaangama ullut tamaasa taakunnarparpunga, soorlu massakkut, tassami pinngitsoorsinnaanngilara, Poul Sandgreen oqarpoq.
Perpumik atuisut ilaanni angalatinneqartarput nereqatigiissinneqartarlutillu.
Kalaaleqatinik naapitaqartarneq inuttut iluaqutigisarlugu, atuisup aamma oqaatigaa.
Perput ukiortaamit matuneqassasoq maanna pilersaarutaagallarpoq. Matuppalli atuisup allamik ornitassaqarnerluni suli takorloorsinnaanngilaa.
- Uanga Perpuliartartutut matussappat sumut orniguttassallunga naluara. Taakani kalaallit katersuunnerusaratta. Aamma ajussaqaaq matussappat, Poul Sandgreen oqarpoq.
Aalborgimi kalaallit 170-it aalajangersimasumik Perpumik atuisuupput. Sukisaarsarfittut, aliikkusiarfittut aamma AA-tarfittut atorneqartarluni, tusagassiortoq Johannes Mathiassen, Aalborgimit ilisimatitsivoq.