Perorsaasut kattuffiata NPK-p Ivaaqqamiittuutillit angajoqqaavisa qisuariaataat taperserlugit oqarput Ivaaraq sulisunik amigaateqarnerarlugu. Assi: KNR

Perorsaasut kattuffiat Ivaaraq pillugu: - Ilinniarsimasunik amigaateqarput

Perorsaasut ilinniarsimasut kattuffiani siulittaasup Ivaaqqami angajoqqaat qisuariaataat taperserpaa, taakkumi allapput Ivaaqqami sulisut amerlineqartariaqartut.

Ivaaqqami sulisut amerlanerusut pisariaqarput matumani aamma ilinniarsimasut, taama oqarpoq Perorsaasut ilinniarsimasut kattuffiata siulittaasua Arnaq Brønlund.

- Sullissineq pitsaasoq ingerlanneqassappat ilinniarsimasullu pitsaasumik sullississagunik nukiit atorluarniarlugit sulisut amerlanerusut pisariaqarput. Tassami tusagassiutini angajoqqaat takullutigillu tusaavagut aarleqquteqarlutik qisuariartut, taakkulu aamma eqqissisimasumik sullinneqassappata sulisut amerlanerusut ilinniarsimasullu amerlanerusut piginissaannut tamaviaarussisoqartariaqarpoq,

§19 naapertorlugu ulloq unnuarlu angerlarsimaffimmi sulisunik amerlassusiliinermi Naalakkersuisut aalajangerput ulloq unnuarlu angerlarsimaffiit tamarmik aalajangersimasunik sulisumikkut amerlassuseqassasut.


Namminersorlutik Oqartussanit decembarip arfernani 2018-mi aalajangerneqartumit

Perorsaasut ilinniarsimasut kattuffianni siullittaasoq Arnaq Brønlund oqarpoq.

Angajoqqaammi Ivaaqqamiittuutillit allagaqarput ilaatigut oqarlutik Ivaaqqami sulisut naammanngimmata ulluinnarni suliassat naammattumik naammassineqarneq ajortut suliassallu tunngaviusumik pisariaqartinneqartunuinnaq taamaallaat naammassinnissinnaasartut, soorlu assersuutigalugu nangilersuinerinnaat taakku allapput. 

Arnaq Brønlund oqarpoq nunatsinni paaqqinnittarfinni sumiluunniit perorsaasut ilinniarsimasut amigaatigineqartut, Ivaaqqamittaaq tamanna allaanerungaanngitsoq. Taassumattaaq erseqqissaatigaa, angajoqqaat sulisut amerlineqarnissaannik kissaataat tusaaneqartariaqartoq.

- Angajoqqaat qisuariareersut tusaaneqartariaqarput, aammalu sulisunut ajoqutaanngitsumik sulinermi aarleqquteqaratik suleqatigiissinnaanerannik pilersitsisoqartariaqarpoq,

Nukiit nungullassapput

Angajoqqaammi Ivaaqqamiittuutillit allagaqarput ilaatigut oqarlutik Ivaaqqami sulisut naammanngimmata ulluinnarni suliassat naammattumik naammassineqarneq ajortut suliassallu tunngaviusumik pisariaqartinneqartunuinnaq taamaallaat naammassinnissinnaasartut, soorlu assersuutigalugu nangilersuinerinnaat suliarineqartarput allanut soorlu susassaqartitsinernut angalaartitsinernulluunniit nukissaqartaratik taakku allapput. 

Tamannarpiaavorlumi Arnaq Brønlundip uggorisaa:

- Sulisut ikilileraanni taava aamma sulisunut taakkununnga eqquisussaavoq, sulineq annerulissaaq nukiillu atorluagassaagaluit najugaqartunut taakkununnga atupilunneqalissapput, oqarpoq.

Taanna nangilluni erseqqissaavoq, unnuarsiortut marluunissaat pingaartuusoq.

- Ivaaqqami pisup kingorna pilersaarsiornermi unnuarsiortoq ataasiinnaajunnaarlugu aapperneqarpoq, siunissamilu tamanna allaqqussinnaanngilaq, taanna oqarpoq.

Ulloq unnuarlu innarluutilinnut angerlarsimaffiup malittarisassai naapertorlugit, piumasaajuaannarpoq unnuarsiortut marluusartussaanerat. 

Ikorfartuilluarneq  supervisionillu amerlanerusut

Arnaq Brønlund aamma erseqqissaavoq kattuffiup tungaaniit pingaartikkitsik Ivaaqqami sulisut aamma torersumik qaangiisinneqarnissaat:

- Pisoq una suli qanikkami, qanorluunniit pisoq ungasinnerulertigigaluarpat iluamik ikorfartorneqarlutillu oqaloqatigineqarlutillu supervisionerneqartariaqarput ataasiaannaratik arlaleriarlutilli, Arnaq Brønlund oqarpoq.

 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl