Perorsaasut: - Februaarip aallaqqaataaniit mattussissaagut!
decembarip 30-at 2006 16:08
Perorsaasut ilinniarsimasut peqatigiiffiat PIP kiisalu Namminersornerullutik Oqartussat nuna tamakkerlugu aviisitigut inuttassarsiuisarnerit unioqqutitsisarnerillu pillugit ullumi isumaqatiginninniarlutik ataatsimeeqatigiillutik aallartipput.
Illuatungeriit isummatik saqqummiuppaat, isumaqatigiissutigaallu isumaqatigiinninniarnerit februaarip aallaqqaataata tungaanut ingerlanneqassasut.
Taamaattumillu tamanna tunngavigalugu P.I.P.-p Nunani avannarlerniit atorfinnut qinnuteqartut mattunneqarnissaat februaarip aallaqqaataata tungaanut kinguartippaa. Tassa aatsaat februuarip aallaqqaataani mattussinissaq pisussanngorlugu.
Isumaaqqaarsimagaluarpoq mattussinissaq aqaguagu januaarip aallaqqaatani mattussinissaq aallartissasoq.
