Perorsaasut akissarsiaat qaffassapput

Perorsaasut kattuffiata PIP'p aamma Namminersorlutik Oqartussat akissaatit pillugit isumaqatigiinniarnerit naammassivaat. Isumaqatigiissutigineqarpoq ukiuni sisamani tulliuttuni perorsaasut akissarsiaat 4 procentimik qaffakkiartussasut tassa ukiumut 1 procentimik qaffattassasut.

Taakku saniatigut aqutsisunut perorsaasutullu ilinniarsimasunut soraarnerussutisianut akiliutini immikkullu ittumik akissarsiat qaffannissaat isumaqatigiissutigineqarpoq.

Isumaqatigiinniarnerit naammassinerat PIP'mit naammagisimaarneqarpoq.

- Isumaqatigiinniarnerit inerneranik ilaasortatsinnut pitsanngorsaasussa-mik qulakkeerinnimmata nuannaarutigaarput. Tamaasillini Persorsaasutut ilinniarsimasut sulinerminni suliffimminiiginnarsinnaanerinut peqataassaaq, Perorsaasutut ilinniagallit ilinniakkanut allanut ullumikkut akissarsiatta sanillersuutissagaani nikinganerisa qanilleriarneranut iluaqutaasussaasalluni, PIP'p siulittaasua Kaaliina Skifte oqarpoq.

Namminersorlutik Oqartussat aamma isumaqarput akissaatit ukiut 1 procentimik qaffattarnerisigut paaqqinnittarfiit nukittorsarneqassasut.

- Pisortat P.I.P. peqatigalugu isumaqatigiiniarnerni angusimasat Pisortaniit ajunngitsumik nalilerusupparput, meeqqanik paaqqinniffini aqutsisunik piginnaanertusiinermut peqataasussamik, aamma-lu inuusuttuaqqanut meeqqanullu perorsaanikkut neqeroorutinik pitsaasunik tunngaviu-sussanik pilersitsinissamut angusaqarsimanerput Namminersorlutik Oqartussat kommu-nillu naammagisimaarparput, Namminersorlutik Oqartussat isumaqatigiinniarnermut pisortaat Rasmus Sembach Olsen oqarpoq.

Isumaqatigiissut maanna PIP'mi ilaasortat akuerisinnaanerlugu taasissutigissavaat.