Perorsaasut akissarsiaat 17 procentimik qaffassapput
Aningaasaqarnermut naalakkersuisup Aleqa Hammondip pitsanngoriaataanerarpaa imaannaanngitsoq, meeqqammi inuusuttuaqqallu atugarisaasa pitsanngorsarnissaannut sakkussaammat pitsaasoq.
Siunissami perorsaasutut ilinniagaqalerniartunut kaammattuutituttaaq perorsaasut ilinniarsimasut akissarsiaasa qaffannerinut pissutaavoq.
Akissarsiat tapillu saniatigut perorsaasut 58-ileereersimasut immikkut aaqqissuussivigineqassapput, soorluttaaq akiliunneqarluni angalasinnaaneq, erninermi akissarsiat tamakkiisut pisalernerat, soraarnerussutisiaqarnerillu pitsanngortinneqassasut. Kommunenilu sumiiffinni tapit immikkut aningaasaliiffigineqarput.