Perorsaasut akissaatit pillugit isumaqatigiissut akueraat

Perorsaasut Ilinniarsimasut Peqatigiiffiat, PIP, aamma Namminersorlutik Oqartussat, akissarsiat pillugit novembarip aallartinnerani isumaqatigiissutaat, amerlanernit maanna akuersissutigineqarpoq.
Allattoq Carla Davidsen
decembarip 13-at 2012 08:03

Akissarsiat ukiuni tulliuttuni sisamani katillugit 11 procentinik qaffannissaat isumaqatigiissutigineqarpoq, akissarsialli nalinginnaasumik 8,4 procentinik qaffassallutik, aqutsisunut perorsaasutullu ilinniarsimasunut soraarnerussutisianut akiliutini immikkullu ittumik akissarsiat qaffannissaat saniatigut aamma isumaqatigiissutigineqarpoq.

Ilaasortat tamarmik taasisinneqarneranni Perorsaasut Ilinniarsimasut Peqatigiiffianni ilaasortat, 350-iusut, affaat sinnilaarlugit taasipput, taakkunanngalu 96 procentit isumaqatigiissummut nutaamut akuersipput, PIP-mi siulittaasoaq, Kaaliina Skifte, naammagisimaarinneqisoq, ilisimatitsivoq.

- Isumaqatigiissutip nutaap perorsaasunik ilinniarsimasunik pissarsiniartarnerput ajornannginnerulersissavaa, isumaqatigiissutip nutaap inerneri naammassimmata, Kaaliina Skifte novembarimi oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq