Perorsaasut 20-t allagartartaalerput

Najugaq qimannagu perorsaasunngorniarneq ilinniarnerit allat najugaq qimannagu suliutigaluni ilinniarfiusut assigalugit ilinniaqqinneruvoq ukiunik pingasunik sivisussuseqartoq. Ilinniarneq taanna Perorsaanermik Ilinniarfiup Ilulissaniittup ataani inissisimavoq, oqartussat marluk suleqataaffigalugu. Suliamik ingerlatsisuupput Namminersorlutik Oqartussat aamma Kommuneqarfik Sermersooq.

Ilinniartut 22-t nammassisssutissaminnik suliaqarnerminni ippassaq ataasinngornermi juunip 14-iani aamma ullumi marlunngornermi juunip 15-iani misilitsipput.

- Misilitsittut tamarmik angusarissaaqaat, karakteriisalu agguaqatigiissinnerat qaffaseqaluni. Ilinniartitsisoq Dida Geisler Heilmann ilisimatitsivoq.

Tallimanngorpat allagartartaartussaanngitsut marluk faagini misilitseqqiffissaminni allaasuni misilitseqqaarlutik allagartartaarumaarput.

Allagartartaartitsineq Nuummi Illorput-mi tallimanngorpat juunip 18-iani nalunaaqutaq qulinut pissaaq.