Perorsaasut 16-inik amerlipput
Perorsaasunngorniat 16-it ullumi nalunaaqutaq qulinut naammassipput, taamaasilluni nunarput perorsaasunik ilinniarsimasunik 300-t sinnilinnik amigaateqartoq pisuunnguallappoq.
Allattoq Jokum Nielsen
decembarip 13-at 2007 16:48
Perorsaasunngortut ukiut sisamaat avillugu matuma siorna ilinnialeramik 20-iupput, arnat 15-iullutik angutillu tallimaasut.
Taamaammallu naammassisuni angutitatuaasoq allagartartaarmat nillerratigineqarpoq.
Perorsaasunngorniat Ilinniarfianni pisortaq Nuka Kleemann oqalugiaammini quiasaarluni allagartartaartunut najuuttunullu quiatsatsitseqaluni aperivoq: ”Angutitasi susarassigit?”
Perorsaasunngorniat Ilinniarfiata pisortaata aamma oqaatigaa ilinniartut ilaat naammassisoq Grethe Kreutzmann ilinniarfimmi januaarip aallaqqaataani ilinniartitsisutut atorfinissassoq.
