Peqqussut amigaataavoq

1999-imi Winter Cities, Prince George Islandimi, Canadap kitaata sineriaani ingerlanneqarmat paasissutissiissutigineqarpoq aputaajaasarnermi aput imaanut iginneqartartoq assut mingoqartoq, taamaakkaluartorli Nuup Kommuneanit imaanut eqqaaneq ingerlatiinnarpaa.

Nuummi borgmesteri Nikolaj Heinrich tassunga oqarpoq:-Taannaannaanngilaq eqqarsaat, aamma eqqarsaat uaniippoq, nunatsinni, ingammi nuummi illoqarfimmi alliartuinnavissumi imikoq, aamma taanna saleqqaartinnagu imaanut, pisuni allani ingerlateqqusaanngitsoq, uagut maani taamaaliortarpugut. Taamaattumik maani kommunimi aatsaat suliaralugit aallartipput, tassa imaappoq, aatsaat saleeqqaarlugit iginneqarsinnaanissaat, peqqussuteqannginnami nunatsinni, taanna peqqussut namminersornerullutik oqartussat akisussaaffigigamikku, soorunami taanna atuutilerneqarpat, soorunami nuumminngaanniit pimoorutivillugu ingerlatilernissaa naatsorsuutigineqalissaaq. Taanna eqqarsaat maanna pigereerparput.