Peqquserluttarneq nakkutiginerulerniarpaat
juunip 28-at 2006 10:49
Barentip imartaani peqquserluttumik aalisartarneq akiorniarlugu Danmarkimi, Sverigemi Norgemilu akileraaruserinermik suliallit suleqatigiinnerunialerput.
Aamma Ruslandi ilanngutsinniarneqarpoq.
- Paasissutissanik immitsinnut tunioraaqatigiittalissaagut, soorlu nunani taakkunani aalisakkanik tunisisoqartarnerani kisitsisinik immitsinnut tunioraaqatigiittalernikkut. Taamaasiortalerutta peqquserluttumik aalisartoqartarsimanersoq paasineqarsinnaassaaq, suliniaqatigiinni peqataasoq Solvi Aamo Albrigtsen, Nordlandimeersoq oqarpoq.
Norgemi aalisartut peqatigiiffiisa kattuffianni siulittaasoq Reidar Nielsen oqarpoq, taama suliniartoqalernera iluarisimaarnartoq, peqquserluttumilli aalisartartut akiorniarnerini suliniutit amerlanerusariaqarsorai.
