Danmarkimi, Kalaallit Nunaanni Savalimmiunilu innuttaasut tamarmik covid-19-imut akiuussutissamik neqeroorfigineqassapput.Assi: Scanpix

Peqqissutsimut ministeri: Tamat coronamut akiuussutissamik neqeroorfigineqassapput

Akiuussutissaq akeqarnavianngitsoq, peqqissutsimut ministeri, Magnus Heunicke oqarpoq.

Danmarkimi, Kalaallit Nunaanni Savalimmiunilu innuttaasut tamarmik covid-19-imut akiuussutissamik neqeroorfigineqassapput.

Peqqissutsimut ministeri, Magnus Heunicke (S) tusagassiortunik katersortitsinermi akiuussutissaq akuerineqartussaq pillugu oqarpoq.

Tusagassiortunik katersortitsinermi corona pillugu periusissiaq saqqummiunneqarpoq. Utoqqaat, anigorsinnaanngisamik nappaateqartut peqqinnissaqarfimmi utoqqaallu illuini sulisut covid-19-imut akiuussutissaq akuerineqarpat siulliullutik neqeroorfigineqassapput.

Akiussutissamik kapitinneq akeqassanngilaq piniarnerlugu nammineq aalajangerneqassaaq.

Danmarkip coronamut akiuussutissat siulliit decembarip naanerani pissarsiarereersinnaavai.

- Suna tamarmi ingerlalluarpat, Danmarkimi ukiup naanerani ukiulluunniit nutaap aallartinnerani akiuussutissat siulliit pissarsiarissavagut, Nakorsaateqarnermut aqutsisoqarfiup pisortaa, Thomas Senderovitz oqarpoq.

Taassumali akuersissuteqarnissamut suliaqarnermi arlaannit ajutoortoqarsimassanngitsoq erseqqissaatigaa.

Akiuussutissalli takkuteqqaarnerani danskit tamarmik ataatsikkut akiuussutissarsisinnaanngillat. Akiuussutissalli tunniunneqallattaarumaarput.

Peqqissutsimut aqutsisoqarfiup pisortaata, Søren Brostrømip eqimattat ilaat, akiuussutissap takkuteqqaarnerani - immaqa akiuussutissarsissanngitsut oqaatigaa.

- Meeqqat naartusullu akuerisamut ilaatinneqanngitsut nalinginnaasumik oqaatigineqassaaq, taanna oqarpoq.

Akiuussutissap inuit ataasiakkaat qanoq sivisutigisumik coronavirusimut illersorsinnaanerai ilisimaneqanngitsoq, Thomas Senderocitzip nassuiaatigaa.

- Danmarkimi tunillaassuuttoqarnera ataatsimut qanoq sunniivigineqassanersoq ilisimannginnatsigu erseqqissassallugu pingaaruteqarpoq.

Taamaammat ungasillisimaarnissaq, assat tunillannaveersaammik tanittarnissaat malittarisassallu malinnissaat akiuussutissap takkutereernerani suli pisariaqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat