Peqqissartut illuata ulikkaaqqanera kingunerluuteqartoq
Kalaallit napparsimasut danskit napparsimmaviinut katsorsartikkiartornissaminnut maanna qaaqquneqaqattaarput. Tamannali Kalaallit Peqqissartut Illuanni inissaqarniarnermik ajornartorsiortitsivoq, taamaammat peqqinnissaqarfimmi aqutsisut tamanna iliuuseqarfigisariaqalerpaat.
Ulapputtoqarnera pissutigalugu napparsimasut Danmarkimut pinasuartariaanngitsunik misissortikkiartunngikkunik katsorsartikkiartortussat piffissarisaannik kinguartitsisoqarsinnaassaaq.
Tamatuma saniatigut napparsimasunut ingiaqataasut Københavnimi Kalaallit Peqqissartut Illuanni inissaaleqisoqarnera pissutigalugu unnuiffissaqartinneqarnaviannginnertik piareersimaffigissavaat.
- Tamatuma peqatigisaanik akunnittarfippassuit takornarianik ulikkaarneqarsimammata unnuiffissanik allanik pissarsiniarneq ajornakusooqaaq, peqqinnissaqarfimmi aqutsisut tusagassiuutinut allapput.
Nakorsiartussanut aggustip naanerata tungaanut allannguuteqartarnissaq peqqinnissaqarfimmi aqutsisut naatsorsuutigaat, septembarillu qeqqata tungaanut nakorsianut ingiaqataasut unnuinissamut periarfissanik allanik ujartuisarnissaq piareersimaffigisariaqarpaat.
- Qulaani pineqartup napparsimasunut qanigisaasunullu ilungersunartumik nassataqartitsisimanissaa Peqqinnissaqarfimmi qullersat ajuusaarutigaat.
