Peqqissaasut ulapinnerulissapput
Nutarterineq peqqissaasut akornanni isumalluarfigineqartoq Peqqissaasut Kattuffianni sulittaasoq Inuuti Fleischer oqarpoq.
- Innuttaasut nakorsiaraangamik peqqissaasumit misissorneqaqqaartarput, taava
nakorsiartoq nakorsamit suliarineqassanersoq imaluunniit peqqissaasup nammineq suliarisinnaaneraa aalajangerneqartarluni, Inuuti Fleischer oqarpoq.
Peqqissaasut nunaqarfinni illoqarfinnilu avinngarusimasuni sulinissartik unamminartoqartittarpaat. Peqqissaasut sumiffinni nakorsaqarfiunngitsuni sulinerminni, nakorsanut attaveqartuuannarsinnaapput, taamaattorli annertuumik pisoqartillugu kisimiittutut misigisimasinnaasarlutik.
Peqqinnissaqarfik nutarterneqarpat, aqunneqarnera illoqarfinnut tallimanut nuunneqassaaq, Qaqortumi Nuummi Sisimiuni Aasianni ilulissanilu aqutsisoqarfeqalissalluni.