Peqqissaasut meeqqerisut nunatsinni amigaatigineqarput

Nunatsinni peqqissaasut meeqqerisut amigaatigineqarput.

Peqqissaaveqarfinnik aqutsiveqarfiup siullermeerluni ukiumoortumik nalunaarusiornerani tamanna takuneqarsinnaavoq, kalaallit nunaani peqqissaasut meeqqerisut amigaatigineqartorujussuusut.

Peqqissaasut meeqqerisut amigaataaneri pissutaalluni taakkua suliassaat, naliginnnaasumik peqqissaasunit, juumuunit, peqqissaasunullu ikiortinit suliarineqartariaqartarput, soorlu napparsimaveqarfinni arlalini taamaareersoq. Juumuut nalinginnaasumillu peqqissaasutut atorfiit amigaatigineqartillugit inatsisitigut maleruagassat malitsinneqarsinnaanngillat.

Peqqissaasut meeqqerisut suliaat Inuunerittap ingerlanneqarnissaanut pingaaruteqarput, meeqqat inuusuttullu atugaasa maluginiarneqarnerat annertusarneqassammat. Peqqissaasut meeqqerisut suliassaat tamakkiisumik sulisussaqartinneqassappata, peqqinnissamik inunnillu isumaginninerup iluani atorfiit amerlisinneqartariaqarput, tamannalu pillugu peqqissaaveqarfinnik aqutsiveqarfiup peqqinissaqarfiup aningaasaqarniarnera annertusarniarlugu siunniuppat, taamaalilluni peqqinnissamik inunnillu isumaginninerup iluani atorfiit amerlisinneqarniassammata.