Peqqissaasut Kattuffiat: Pisoq ilungersunartorujussuuvoq
- Pisoq ilungersunartorujussuuvoq. Missingersuusiat sipporujussuarlugit aningaasanik atuisoqarsimavoq, aningaasat millionilikkaat uani eqqartorpakka. Ima sippuisoqartigaaq allaat Peqqinnissaqarfimmi qullersat aalajangertariaqarsimallutik peqqissaasunik taartaasartunik Danmarkiminngaanneersunik tikisitseqqittoqanngikkallassasoq, Karin Holler oqarpoq.
Taartaasartoqarneq akisoorujussuuvoq. Tamannalu tamanit ilisimaneqarpoq.
- Ilaana akisunerat tusartuarparput. Aarleqqutissarli tassaavoq Dronning Ingridip napparsimmavissuani misissortinnissamut suliaritinnissamullu utaqqisut maanna suliaritissinnaajunnaaqqanerat. Tamanna naammaginnanngeqaaq, Napparsimmavissuarmi Kalaallit Nunaanni tamarmi innuttaasut nakorsiartarfigaat. Nakorsiatut pisussaaffiittut isigisat Nammarsimmaviup maanna naammassisinnaajunnaarpai, Peqqissaasut Kattuffianni siulittaasoq oqarpoq.