Peqqissaasut akissaataat unammillersinnaasunngortariaqarput
Peqqinnissaqarfimmi atorfillit nunaqavissut atugaannik pitsanngorsaanissamut naalakkersuisut soqutiginninngippallaarnerat Inatsisartut aappaagu inatsisissaattut naalakkersuisut siunnersuutaanni takuneqarsinnaasoq Peqqissaasut Kattuffianni siulittaasoq Birtha Bianco oqarpoq:
- Sulisussaaleqiuaannaratta avataanit tikisillugit taartaasartunik akisuunillu suli atuisariaqarpugut, peqqissaasut nunaqavissut amigaatigineqaqisullu amerlanerulissappata arlalitsigut pitsanngorsaasoqartariaqarpoq, soorlu akissaataat Danmarkimi peqqissaasut akissaataannut unammillersinnaasariaqarlutik, Birtha Bianco oqarpoq.
Nunatsinni Danmarkimilu peqqissaasut akissaataat 3.000 koruunit 4.000 koruunillu akornanni nikingassuteqarput.
Aappagu inatsisissaattut siunnersuummiippoq, innuttaasut peqqinnerusumik inuuneqalernissaannut suliniarnermut 8 millioni koruunit immikkoortinneqartut. Aamma uninngasut unnuisarfissaannik peqqinnisaqarfimmilu atorfillit ineqarfissaannik sanaartornissamut katillugit 72 millioni koruuninik immikkoortitsisoqarpoq.
