§37 - akissut: Peqqinnissaqarfiup sulisussarsiornera unammillernartupilussuusoq

Peqqinnissaqarfimmi tamarmi sulisussarsiorneq unammillernartupilussuusoq, peqqinnissamut naalakkersuisoq, Doris J. Jensen paragraf 37 atorlugu apeqquteqaammut akissuteqarluni allappoq. Siunissamilu pitsaanerulertussaarpasinngitsoq, akissummi allaqqavoq.

Peqqinnissaqarfimmi sulisussarsiorneq aalaakkaasumillu sulisoqarnissaq ajornartorsiutaangaarmat ulluinnarni ingerlatsinissaq, pinasuartumik katsorsarneqarnissamik pisariaqartitsisut katsorsarneqarnissaata qulakkeerneqarnissaat ilanngullugit, ukkatarineqarpoq.

Ajornerulissaarli.

Peqqinnissaqarfik nakorsanik sulisunillu allanik Danmarkimit tikisitsisarpoq, Danmarkimili kommunit peqqinnissaqarfimminnik pitsanngorsaapput, peqqissaasunillu 1.500-nik atorfinitsitsillutik, amerlasuunillu ukiuni aggersuni atorfinitseqqissallutik.

- Tamanna tamakkuninnga suliaqartartunik unammillersinnaanermut sunniuteqarnerussaaq, Doris Jakobsen Jensen allappoq.

Nakorsat immikkut ilinniagaqaleriartuinnarput, najugaqarfinnilu minnerni, soorlu Narsami nakorsatut atorfeqarnissartik sapernarnerutilertarlugu, Doris Jakobsen Jensen allappoq.

Nunatsinnili nakorsat innuttaasunik assigiinngitsorpassuarnik nappaatilinnik sullissisartussaapput, tamatumalu saniatigut akisussaasuusussaallutik, naalakkersuisoq allappoq.

Tamatuma saniatigut nunatsinneersut assersuutigalugu peqqissaasutut, meeqqanik peqqissaasutut nakorsatullu ilinniarsimasut Nuummi atorfinikkusullutik qinnuteqakulanerusarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat