Peqqinnissaqarfimmi pissutsit ukiut 30-t matuma siorna allaaqaat.
Ruth Lange, peqissaasutut, taamanikkutoorlugu niviarsiatut, naammasserlaaq, nunatsinnut 1970-imi pimmat, pissutsit ullumikkumut sanilliunneqarsinnaanngillat.
Kalaallit Nunaata peqqinnissaqarfiata ineriartornerani ukiut 30-t sinnerlugit pingaarutilittut suleqataasimasoq, Ruth Lange, atuakkiorpoq.
'Når en tanke bliver født' atuakkap qulequtaraa. Atuakkami oqaluttuarineqarpoq peqqinnissaqarfiup 1970-miit 2004 tikillugu ineriartornera.
Suliniuteqarumatuup Ruth Langep nunatsinni peqqissaasut kattuffeqalernissaanut suliniut siuttuuffigaa, minnerunngitsumillu peqqissaasut ilinniarfiata ineriartortinneqarneranut, kiisalu aamma peqqinnissaqarfiup iluani ilinniartitaanerit sanarfinerinut ingerlatseqataasimalluni.
Atuagaq saqqummersitsisarfimmit Milik Publishingimit ippassaq saqqummersinneqarpoq.