Peqqinnissaqarfimmi aqutsisut ukiumoortumik ataatsimiipput

Peqqinnissaqarfimmi aqutsisut ullaap tungaa ataatsimiikkamik suliaritinniarlutik utaqqisut maannakkut 800-it missaanniittut ilaatigut oqaluuseraat.
Allattoq Jaaku Lyberth
februaarip 22-at 2009 13:51

Nuummi nakorsiartarfimmi nakorsaaneq nakorsallu peqatigiiffianni siulittaasoq Jesper Olesen radioaviisimut oqarpoq, napparsimasut amerlaqisut suliaritinnissaannullu akissaqartinneqanngitsut.

Suliaritinnissaminnik utaqqisut suliaritinnissannut qulakkeerinnilluni suliaritittarnissaannik aaqqiinisssaq peqqinnissaqarfimmi aqutsisut eqqartorpaat.

Suliaritinniarlutik utaqqisut ilaannut tamanna iluaqutaassaaq, tamannali atuleraluarpalluunniit napparsimallutik suliaritinniartut allat eqqorneqassapput, Jesper Olesen oqarpoq. Peqqinnissaqarfiup iluani aningaasartuutit siorna sipporlugit atorneqarnerannut pissutaapput napparsimasut suliaritinnerinut atorneqarmata, Jesper Olesen oqarpoq.

Napparsimmaveqarfimmi aqutsisut ullaap tungaa ataatsimiikkamik eqqartorpaat attaveqaqatigiinneq qarasaasiallu atorlugit attaveqartarneq. Attaveqartarneq paasissutissiinermit pingaaruteqarnerusoq ataatsimiinnermi inerniliunneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq