Demokraatit Senatimi ilaasortaatitatik 60-iusut tamaasa inatsisissatut siunnersuummut akuersaarnissaat ippassaq iluatsippaat, taamalu siunnersuut Senatimi oqaluuserineqarsinnaalissalluni. Siunnersuutip oqaluuserineqarnissaanut Republikanerit unitsitseriaraluarnerat pinngitsoortinniarlugu Demokraatit taasinerit 60-it taakkua pisariaqartippaat.
Obamap peqqinnissaq pillugu iluarsartuusseqqinnissaata iluatsissinnaanissaanut, taasinissaq pingaarutilimmik tikkuussisuuvoq. Iluarsartuusseqqinnerup kinguneranik Amerikamiut 31 millioniusut, peqqinnissamut sillimmasersimanngitsut, napparsimalernissaminnut sillimmaserneqarsinnaalissapput.