Peqqarniisaarsimasutut unnerluutigineqassaaq
Aamma peqqarniisaarniartutut eqqartuunneqassaguni, sivisuumik parnaarussaasinnaavoq.
Taamatut pillaatissinneqarneq pillaasarnermut inatsimmi sakkortunerpaasoq, DR-imi nutaarsiassaqartitsivimmi pinerluttulerinermut pisortaq Claus Buhr oqarpoq.
- Lors Dukajev-ip siusinnerusukkut unnerluutigineqarnera najoqqutaralugu, ukiuni aqqaneq marlunni parnaarussassanngorlugu eqqartuunneqarsinnaavoq, kisianni peqqarniisaarniartutut unnerluutigineqassaguni, inuunini tamakkerlugu parnaarussassanngortitaasinnaalluni, Claus Buhr oqarpoq.
Lors Dukajev Københavnimi H.C. Ørsteds Parkenimi ukiarmi septembarip qulinganni tigusarineqarpoq, taassuma qanittuani Hotel Jørgensenimi qaartartoq qaartooreersorlu tamanna pivoq. Allakkat qaartartumik imallit qaartoorutigineqarsimanissaat ilimagineqarpoq.
Lors Dukajev qaartartuliorsimasutut aamma sakkumik tigumiarsimasutut maannamut taamaallaat unnerluutigineqaraluarpoq. Politiilli uppernarsaatissanik nutaanik sakkortunerusunillu pissarsereersullu, unnerluutigineqarnera sakkortusineqarpoq.
