Peqqarniisaarniat paarnaarussat iperagaasinniarlugit perulluliorput
Illoqarfissuarmi Mumbai-imi perulluliortoqarsimaqaaq. Akunnittarfinni sallunaveeqqutitut tigummineqartut ilaat iperagaasimagaluartut suli peqqarniisaarniat muslimiussangatinneqartut tigusamik ilaannik mattusseqqapput. Juutit upperluarniartut naalaffianni palasi juutillu allat marluk tigusarineqarsimapput. Perulluliortunit muslimit peqqarniisaarniat paarnaarusimaneqartut iperagaanissaat piumasarineqarpoq. Akunnittarfinni najugallit sammineqarnerugaluartut, peqqarniisaarniat ippassaq napparsimmavimmi inunnik 80-inik toqoraanerat pisut alianarnerasaraat. Qimuttuitsullu unittarfianni neriniartarfimmiittut eqqaanneqarmata inuit 101-it toqunneqarsimasut, 300-llu missaanniittut ikilerneqarsimasut pisortanit nalunaarutigineqarpoq. Akunnittarfiit ilaanni init tulleriiaarlugit sakkutuut sakkunik qaartartunillu suli ujarlerfigaat.
