Peqqarniisaarniaq toqumut pillagaasinnaanngorpoq

USA septembarip aqqarnani 2001-imi peqqarniisaarnianit saassunneqallarmat pisuutitaalluni eqqartuunneqartutuaq toqumut pillagaasinnaanngortinneqarpoq.

-Pisarinngisaannassavarsinga. Tamassi Guutip perloqqulisi!.

Illoqarfissuarmik New Yorkimik naalakkersuisoqarfimmillu Washingtonimik septembarip aqqarnani 2001-imi timmisartut aquttuinik pinngitsaaliillutik illorsuarnut peqqarniisaarniat aportitsimmata tigusarineqartutuaq Zacharias Moussaoui eqqartuunneqareernermi kingorna toqumut pillagassanngortitaagami eqqartuussivimmi isersimasut suanngappai.

- Toqumut pillagassanngorlutit eqqartuunneqarsinnaavutit – eqqartuussisut sinniisaat Moussaoui eqqartuussinerup inernerisinnaasaanik nalunaarfigaa.

Moussaoui pinerliinerit sapaatit-akunnerinik pingasunik sioqqullugit tigusarineqarpoq.

Upperluaqqissaarniaqatini 19-it peqatigalugit timmisartunik pinngitsaaliillutik aportitsinissaminnut sungiusarsimapput – parnaarunneqarporli pasitsaanneqarmat pilersaarutipiloqartoq. Eqqartuussinermi aalajangiinermi piaaraluni timmisartunik aportitsinissat oqaluttuarisimasinnaagaluarpai, inuillu 3.000-t missigisaat pisariaqanngitsumik toqusimassanngikkaluarnerarlugit.

Zacharias Moussaouip timmisartumik aportitsinnginnami toqumut pillagaasinnaanini soorluuna iluarisimaarlugu pilersaarutigereersimagaa.