Peqatigiiffik "Ulo" ukiunik 35-nngortorsioqqammerpoq
Kalaallit Sønderjyllandimi peqatigiiffiat "Ulo" ukiunik 35-nngortorsiorluni sapaatip-akunnerata naanerani nalliuttorsiorpoq, Kalaallillu Nunaanneersut saniatigut nunanit allaneersut aamma peqataapput.
Sermitsiap nittartagaani taama allaaserinnittoqarpoq.
Arnat Bosnien-Hercegovinameersut, Afrikami Eritreameersut, Libanonimeersut Afghanistanimeersullu nalliuttorsionermut aamma peqataapput.
Arnat nunanit allaneersut Danmarkimeersullu arnartaasa suliniaqatigiiffiat Hawaa "Ulo"-p siulittaasuanit Susanne Nissenimit attavigineqarsimavoq, arnallu nunanit allaneersut kalaallit qanoq nalliuttorsiortarnerat, nuannisartarnerat, erinarsoqatigiit erinarsortarnerannik qittattarnerallu misigisaqarluarfigaat.
Nalliuttorsiorneq malunnartinneqarmat Danmarkimi peqatigiiffiit arlallit peqataapput, soorlu aamma kattuffik "Inuit" peqataatitaqartoq.
Peqatigiiffik "Ulo" 70-it missaannik ilaasortaqarpoq, kattuffiullu "Inuit" Danmarkiittup ilaasortaasa 22-t missaanniillutik.
Sermitsiap nittartagaani tamanna atuarneqarsinnaavoq.