Peqatigiiffik Kalaallit Meerartaat eqqukkanik tunineqartussanngorpoq
TV2-mi aallakaatinneqartartumi taaguutilimmi "Kina millionærinngorusuppa"-mi, ukiormanna TV2-mi juullip ammartagaani "Jesus og Josefine"-mi inuttaasut pingaarnerit marluk, aallakaatitamut eqquiniarfiusumut ilaapput, tassanilu peqataasut eqqukkatik siunertanut pitsaasunut tunniuttarpaat.
Allattoq Elisa Isaksen
Nukappissat inuusuttut marluk Sebastian Aagaard-Williamsip aamma Rasmus Ott-ip Iluanaarutimik "Peqatigiiffimmut Kalaallit Meerartaannut" tunniunnissaat toqqarsimavaat.
Sebastian aamma Rasmus eqquiniaasitsinermi angusaqarluaqaat.
Taakku ajugaagamik pissarsiaraat 500.000 koruunit, millionit affaat, taakkulu "Peqatigiiffiup Kalaallit Meerartaasa" nuannaarutigisussanngorpaat.