Danmarkimi kalaallit peqatigiiffiat Inuit takkuttoqartannginnera tunngavigalugu aningaasassaaleqisoqarsimammat ukiut pingasut uninngareerluni aallarteqqilerpoq.
Peqatigiiffik Inuit Varde-mi arfininngorpat septemberip 16-iani kulturikkut pikialaartitsisoqarnissaanik aaqqissuisimavoq
Kulturikkut pikialaartitsinermi qanga assitoqqat takuneqarsinnaapput, kalaallit assassugaannik takutitsisoqarlunilu tivasoqassaaq, kiisalu uaajeertoqassalluni kalaallillu pinnguaataannik pinnguartitsisoqassalluni.
Peqatigiiffiup Tusariarlinngooq upernaakkut aaqqissuuttaraluarpaa, aningaasassaaleqinerli pissutigalugu ukioq manna tamanna pinngitsoortariaqarsimasoq peqatigiiffimmit nalunaarutigineqarpoq.