Peqatigiiffiit Kattuffiillu ingerlaaqatigiissapput
Inuiaat kalaallit nunaminnik pisuussutaannillu piginnittuulissapput.
Taama isumaqarpoq namminiilivinnissamut suleqatigiiffik Inussuk. Inussuk piginnittussaanissaq pillugu Nuummi ingerlaaqatigiisitsiniarpoq pingasunngorpat novembarip ulluisa 15-ianni.
Namminiilivinnissamut suleqatigiiffimmi Inussummi siulittaasoq, Mininnguaq Kleist, aamma suliniaqatigiiffiup Namminerup siulittaasua, Elisabeth Ravn Johansen, ulloq taanna oqalugiassapput.
Inussuup Namminerullu saniatigut peqatigiiffiit kattuffiillu makku peqataassapput;
SIK, NuSuKa, Siumut aamma Atlantikup Avannaani Suleqatigiit.
Ingerlaaqatigiinnissap novembarip ulluisa 15-ianni pinissaanut aaqqissuisunit toqqarneqarneqarneranut pissutaavoq, Inatsisartut ukiaanerani ataatsimiinnertik ulloq taanna naammassisussaammassuk.
Inuiaat kalaallit nunaminnik pisuussutaannillu piginnittussaanissaat pillugu namminersorneq pillugu Kalaallit Danskillu Ataatsimiititaliarsuata piffissami ungasinngitsumi ataatsimiinnissaa ingerlaaqatigiinnissamut aamma pissutaaqataasoq, namminiilivinnissamut suleqatigiiffik, Inussuk, tusagassiuutinut nalunaarummini allappoq.
