Peqataasussaajunnaartut tupaallaatigineqarput
Arsaalluni nunarsuarmi pissartanngorniunnissamut, Sydafrikami pisussami, danskit arsaattartui kikkut peqataassanersut, sungiusaasup Morten Olsenip ullaaq manna saqqummiuppai.
Allattoq Apollo Jeremiassen
maajip 28-at 2010 08:58
Arsaattartut sisamat peqataasussaajunnartut aamma atii nalunarutigai ukuusut: målmandi Kim Christensen aamma arsaattartut Michael Silberbauer, Michael Krohn-Dehli aamma Morten Duncan Rasmussen.
Krohn-Dehlip aamma Siberbauerip peqataassannginnerat danskit nutaarsiassaqartitsiviisa arlallit tupaallaatigaat.
Sooq taakkorpiaat peqataassanngitsut Morten Olsenip oqaatigerusunngilaa:
- Sooq peqataassannginnesut oqaatiginianngilara, Morten Olsen aviisimut Jyllandspostenimiut oqarpoq.
Nunarsuarmi arsamik pissartanngorniunneq juunip aqqarnanni aallartissaaq, arsaannerillu 43-t KNR-TV-kkut takutinneqassapput.
KNR-TV-kkut aallakaatinneqarneri qaqugu pissasut tekst-tv-kkut takuneqarsinnaapput quppernermi 351-miit 357-mut aamma knr.gl/TV-kkut.
