Peqarluarlutik præsidentinngorniupput
Demokratini præsidentinngorniartut marluk Hillary Clinton aamma Barack Obama Iowami aallartisarluni qinersinissamut tamarmik 100 mio. dollarsiuteqassapput.
Taamaalillunilu qineqqusaarneq aatsaat taama akisutigissaaq.
Aningaasat amerlanersaat ataatsimeeqatigiinnerni 26-iusuni caucusinik taaneqartuni, taavalu aallartisarluni qinersinerni, atorneqassapput, taakkulu tassa aqagu Iowami aallartinneqassapput, sapaatillu akunnerini arfinilinni tulleruttuni ingerlanneqassallutik.
Aningaasat katersarineqarsimasut unammillertunut tulleruttunut ikinnerungaatsiarput, tassami 5 mio. dollars pallillugit John Edwardsimit katersorneqarsimapput.
George W. Bush 131 mio. dollarsinik 2003-mi katersisimavoq, anguniakkalli taamani allaasimapput tassami præsidentiusoq qinigaaqqinnissaminut katersisimavoq, soorlu aamma kisimiilluni republikanerit sinnerlugit aningaasanik katersisuusoq.
Des Moines Registerimi paasiniaanerit naapertorlugit Washington Postimit allaaserineqarpoq Iowami Barack Obama 32 procentinik tapersersorteqarluni siuaqqasoq.
Tulleruppoq Hillary Clinton, 25 procentinit tapsersorneqartoq kiisalu John Edwards 24 procentinik tapersersorneqartoq.
Republikanerit akornanni Mike Huckabee 32 procentinik tapersersorneqarluni siuaqqavoq, Mitt Romneymit 26 procentinik tapersersorneqartumit malinneqarluni.
Des Moines Register naapertorlugu emokraatit qinersisartuisa 40 procentii attaviitsutut imminnut isigipput 2004-mut sanilliullugit marlæoriaammik amerlanerullutik.
Aallartisarluni qinersinissamut 60 procentit taasiniarlutik oqarput.
Taaneqartut tamarmik oqarput Obamamik taasiniarlutik.
